Sumarsólstöður í Laugaskarði

Fögnum lengsta degi ársins í töfrandi flotviðburði í Laugaskarði

Flothetta býður upp á nærandi flotviðburð á Sumarsólstöðum í Laugaskarði í Hveragerði. Þar ætlum við að eiga fallegt stefnumót við íslensku sumarnóttina og njóta himneskrar vatnavellíðunar og fallegrar samverustundar í vatninu.

Sumarsólstöður eru kynngimagnað fyrirbæri og tengdar ýmsum fornum átrúnaði. Það er hefð fyrir því á Norðurlöndunum að fólk komi saman til að gleðjast og njóta nærandi samvista í náttúrunni á lengsta degi ársins.

Laugarskarð er ein elsta og fallegasta útisundlaug landsins. Hún er svokölluð gegnumrennslislaug, hituð upp með jarðgufu, sem tryggir eðlilegt sýrustig og hreinleika vatnsins.

Viðburðurinn hefst kl. 19.30.